Missyou Yaad Yaadea - quoteswiththoughts.com

Aap ko chehre se bhi bimar hona chahiye

ishq hai to ishq ka izhar hona chahiye

Aap dariya hain to phir is vaqt ham ḳhatre ( danger) mea hain

aap kashti hain to ham ko paar hona chahiye

Aire-ġhaire log bhi padhne lage hain in dinon

aap ko aurat nahin aḳhbar hona chahiye

Zindagi tu kab talak dar-dar phiraegi hamen

Tuta-phuta hi sahi ghar-baar hona chahiye

Apni yadon se kaho ik din ki chhutti de mujhe

ishq ke hisse mea bhi itvar ( Sunday) hona chahiye

raat teri yadon ne dil ko is tarah chheda

jayese koi chutki le narm narm galon mea

Zara se baat sahi teri yaad aa jana

Zara se baat bahut dher tak rulati thi

Izhar se nahi lagta pata kisi k pyar ka sahib

Intezar batata hae ki talabgar (one who desires) kon hae

Kash dil ki awaaz ka itna assar ho jae

Hum yaad kare aur unko khabar ho jae

ujale apni yadon ke humare saath rehne do

na jaane kis gali mea zindagi ki shaam ho jaaye

kar raha tha ghum-e-jahan (pain by world) ka hisab

aaj tum yaad be-hisab aaye

uski yaad aaye hai sanso zara ahista chalo

dhadkanon se bhi ibadat (prayers) mea ḳhalal (break) padta hai

achchha ḳhasa baithe baithe gum ho jaata hun

ab main aksar main nahin rehta tum ho jaata hun

ek muddat se teri yaad bhi aaye na humea

aur hum bhuul gaye hon tujhe aisa bhi nahin

chupke chupke raat din aansu bahana yaad hai

hum ko ab tak ashiqi ka vo zamana yaad hai

tumhari yaad ke jab zaḳhm bharne lagte hain

kisi bahane tumhen yaad karne lagte hain

aap ke baad har ghadi hum ne

aap ke saath hi guzari hai

nahin aati to yaad unki mahinon tak nahin aati

magar jab yaad aate hain to aksar yaad aate hain

dil dhadakne ka sabab yaad aaya

vo teri yaad thi ab yaad aaya

aaj ik aur baras beet gaya uske baghair

jis ke hote hue hote thea zamane mere

tum ne kiya na yaad kabhi bhool kar humea

hum ne tumhari yaad mea sab kuchh bhula diya

kya sitam hai ki ab teri surat

ghaur (focus) karne pe yaad aati hai

wafa karenge nibahenge baat manenge

tumhen bhi yaad hai kuchh ye kalam kis ka tha

tasadduq (sacrifice) is karam ke main kabhi tanha nahin rehta

ki jis din tum nahin aate tumhari yaad aati hai

hum to samjhe thea ki hum bhul gaye hain unko

kya hua aaj ye kis baat pe rona aaya

sochta hun ki us ki yaad aḳhir

ab kise raat bhar jagati hai

iss zindagi mea itni faraghat (freedom) kise nasib

itna na yaad aa ki tujhe bhuul jaayen hum

vahi phir mujhe yaad aane lage hain

jinhen bhulne mea zamane lage hain

Gharaz (desire) ki kaat diye zindagi ke din aye dost

vo teri yaad mea hon ya tujhe bhulane mea

yaad use intihayi (unlimited) karte hain

so hum us ki buraye karte hain

ye ilm (knowledge) ka sauda ye risale (magazine) ye kitaben

ik shaḳhs ki yadon ko bhulane ke liye hain

”aap ki yaad aati rahi raat bhar”

chandni dil dukhati rahi raat bhar

yad-e-mazi (memory of past) azaab (curse) hai ya-rab

cheen le mujh se hafiza (memory) mera

ab to har baat yaad rehti hai

ghaliban (most probably / likely) mae kisi ko bhuul gaya

ik ajab haal hai ki ab usko

yaad karna bhi bewafaye hai

yaad rakhna hi mohabbat mea nahin hai sab kuchh

bhuul jaana bhi badi baat hua karti hai

vo koi dost tha achchhe dinon ka

jo pichhli raat se yaad aa raha hai

shaam bhi thi dhuan dhuan husn bhi tha udaas udaas

dil ko kaye kahaniyan yaad si aa ke rah gayein

yaad us ki itni ḳhoob nahin ‘mir’ baaz aa (stop yourself)

nadan phir vo ji se bhoolaya na jayega

vo nahin bhulta jahan jaun

haaye main kya karun kahan jaun

unka zikr unki tamanna unki yaad

waqt kitna qimti hai aaj kal

jis ko tum bhuul gaye yaad kare kaun usko

jis ko tum yaad ho vo aur kise yaad kare

zindagi kya hue vo apne zamane vaale

yaad aate hain bahut dil ko dukhane vaale

ab to unki yaad bhi aati nahin

kitni tanha ho gayi tanhaiyan

tum bhuul kar bhi yaad nahin karte ho kabhi

hum to tumhari yaad mea sab kuchh bhula chuke

chori chori hum se tum aa kar mile the jis jagah

muddaten guzrin par ab tak vo thikana (place) yaad hai

tum se chhut kar bhi tumhen bhulna asan na tha

tum ko hi yaad kiya tum ko bhulane ke liye

jaate jaate aap itna kaam to kejie mera

yaad ka saara sar-o-saman (furniture) jalate jaiye

tumhari yaad mea jeene ki aarzu hai abhi

kuchh apna haal sambhalun agar ijazat ho

kuchh ḳhabar hai tujhe o chain se sone vaale

raat bhar kaun teri yaad mea bedar (awake) raha

un ka ghum un ka tasavvur un ki yaad

kat rahi hai zindagi aram se

kisi sabab se agar bolta nahin hun mae

to yuun nahin ki tujhe sochta nahin hun mae

zara si baat sahi tera yaad aa jaana

zara si baat bahut der tak rulati thi

jaate ho ḳhuda-hafiz ( god be with you) haan itni guzarish hai

jab yaad hum aa jaayen milne ki dua karna

kuchh bikhri hui yadon ke qisse bhi bahut thea

kuchh us ne bhi balon ko khula chhod diya tha

yaad aaye hai to phir tuut ke yaad aaye hai

koi guzri hui manzil koi bhuli hui dost

dil ki choton ne kabhi chain se rehne na diya

jab chali sard hava main ne tujhe yaad kiya

Iska rona nahi kyo tumne kiya dil barbad

Iska gham hai ki bahut dher ke baad mea barbad kiya

suna hai humea vo bhulane lage hain

to kya hum unhen yaad aane lage hain

jis tarah log ḳhasare (loss) mea bahut sochte hain

aaj kal hum tere baare mea bahut sochte hain

hum use yaad bahut ayenge

jab use bhi log thukrayege

tumhara naam aaya aur hum takne lage rasta

tumhari yaad aaye aur khidki khol di hum ne

jab tujhe yaad kar liya subah (morning) mahak mahak uthi

jab tera ghum jaga liya raat machal machal gaye

Thehri Thehri (slow) si tabiyat mea ravani (fast) aaye

aaj phir yaad mohabbat ki kahani aaye

khench (pull) lena vo mera parde ka kona dafatan (instantly)

aur dupatte se tera vo mooh chhupana yaad hai

yaad mea teri jahan ko bhulta jaata hun main

bhulne vaale kabhi tujh ko bhi yaad aata hun main

yaad ashkon (tears) mea baha di hum ne

aa (come) ki har baat bhula di hum ne

ye be-sabab nahin aaye hain aankh mea aansoo

ḳhushi ka lamha koi yaad aa gaya hoga

kabhi rota tha us ko yaad kar ke

ab aksar be-sabab (without reason) rone laga hun

Loban (agarbatti etc) mea chingari jaise koi rakh jaaye

yuun yaad teri shab bhar ( whole night) seene (chest) mea sulagti (jalti) hai

ho gaye din jinhen bhulaye hue

aaj kal hain vo yaad aaye hue

ab tujhe kaise batayean ki teri yadon mea

kuchh izafa (increase) hi kiya hum ne ḳhayanat (decrease) nahin ki

afat-e-jan (threat of life) hui us ru-e-kitabi (bookish face) ki yaad

raas aaya na mujhe hafiz-e-qur.an (one who knows holy quran book) hona

sab kahan kuchh lala-o-gul (buds and roses) mea numayan (visible) ho gayean

ḳhaak mea kya suraten hongi ki pinhan (hidden) ho gayean

yahi do kaam mohabbat ne diye hain hum ko

dil mea hai yaad teri zikr hai lab par tera

hum apne raftagan (those who passed away) ko yaad rakhna chahte hain

dilon ko dard se abad (forever) rakhna chahte hain

muddaten ho gayean bichhde hue tum se lekin

aaj tak dil se mere yaad tumhari na gaye

yun barasti hain tasavvur (imagination) mea purani yaden

jaise barsat ki rim-jhim mea saman hota hai

dekhiye ab na yaad aaiye aap

aaj kal aap se ḳhafa hun main

akela pake mujhko yaad unki aa to jaati hai

magar phir laut kar jaati nahin main kaise soo jaun

shaam ho ya ki sahar ( early morning) yaad unhin ki rakhni

din ho ya raat humea zikr unhin ka karna

vahi din hai humari iid ka din

jo teri yaad mea guzarta hai

bhuul bhi kya bhuul hai ye yaad bhi kya yaad

tu yaad hai aur koi nahin tere siva yaad

raat ik shaḳhs bahut yaad aaya

jis ghadi chand numudar (visible) hua

yun ji behal gaya hai teri yaad se magar

tera ḳhayal tere barabar na ho saka

Goya (as if) tumhari yaad hi mera ilaaj hai

hota hai pahron ( for long times) zikr tumhara tabib ( doctor) se

lijiye suniye ab afsana-e-furqat (story of separation) mujh se

aap ne yaad dilaya to mujhe yaad aaya

zindagi ho to kaye kaam nikal aate hain

yaad aunga kabhi main bhi zaroorat mea usea

yadon ki mehfil mea kho kar

dil apna tanha tanha hai

ghar se bahar nahin nikla jaata

raushni yaad dilati hai teri

tujhe kuchh ishq o ulfat (love and affection) ke siva bhi yaad hai aye dil

sunae ja raha hai ek hi afsana (story) barson se

mere dushman na mujh ko bhuul sake

varna rakhta hai kaun kis ko yaad

sab ko hum bhuul gaye josh-e-junun (diwane pan) mea lekin

ik teri yaad thea aisi jo bhulaye na gaye

hasin yadon ke chand ko alvida keh kar

mae apne ghar ke andhere kamron mea laut aaya

yaad mea ḳhwab mea tasavvur (imagination) mea

aa ki aane ke hain hazar tariq ( manners)

ḳhwab mea naam tera le ke pukar uthta hun

be-ḳhudi (not in control ) mea bhi mujhe yaad teri yaad ki hai

bahut udaas ho tum aur main bhi baitha hun

gaye dinon ki kamar se kamar lagaye hue

yaad bhi teri mit gaye dil se

aur kya reh gaya hai hone ko

saari duniya ke ḳhayalat (thoughts) thea dil mea lekin

jab se hai yaad teri kuch bhi nahin yaad mujhe

bijli chamki to abr (cloud) roya

yaad aa gaye kya hansi kisi ki

koi yadon se jod le hum ko

hum bhi ik tutta sa rishta hain

phir kisi ki yaad ne tadpa diya

phir kaleja thaam kar hum reh gaye

kisi janib (side) se koi mah-jabin (one who has forehead as bright as moon) aane hi vaala hai

mujhe yaad aa rahi hai aaj mathura aur kashi ki

mere qaabu (control) mea na pahron ( for a long time) dil-e-nashad (sad heart) aaya

vo mera bhulne vaala jo mujhe yaad aaya

dam-ba-dam (continuosly) uthti hain kis yaad ki lehren dil mea

dard rah rah (every path) ke ye karvat si badalta kya hai

tumhari yaad nikalti nahin mere dil se

nasha chhalakta (spill) nahin hai sharab se bahar

shum-e-hijran (your separation) bhi ik qayamat thi

aap aaye to mujh ko yaad aaya

Unke aane se hawae (air) bhi aati rahi

Unke jane se saas (breath) bhi jati rahi

Ab wo laut ke ‘khalvaat’ na aae ge

Ab hum mud ke unko pukare ge bhi nahi

Anssoo jab kabhi hamari yaad mea wo bahaye ge

ab hum dil-e-barbad hatho se unhe poche (wipe) ge bhi nahi

Dil kisne toda hai kiska , ye kahani sunne

hamare faristea bhi aaye to sunae ge bhi nahi

Bas ho chukka hai sannata iss jahan mea iskadar

ab tumhe zor se pukare ge, tumhe sune (listen) ga bhi nahi

Matlap hamara bas itna sa tha

Judai ke baad , sahara itna sa tha

Ki tum nahi , na tumare yaad aati

Aati to khalvaat , ab maut hi aati

Ki tum pea marne ki saja mili hai mujhe

Sab ne ye keh kar chood diya , kit u janti hai mujhe

Toofan ka sahara le hi liya maine us din

Jis din toofan mea chood gaya that u mujhe

Janta that u mai tar nahi pao ga

Janti nahi thi tu ki koi bacha le ga mujhe

‘sajid’ tu phir se ḳhana-e-dil (inside heart) mea talash kar

mumkin hai koi yaad purani nikal pade

humea yaad rakhna humea yaad karna

agar koi taaza sitam yaad aaye

vo ik din jaane kis ko yaad kar ke

mere seene se lag ke ro pada tha

jis taraf jaayen jahan jaayen bhari duniya mea

rasta roke teri yaad khadi hoti hai

yak-ba-yak (suddenly) naam le utha mera

jee (heart) mea kya uske aa gaya hoga

main sochta hun magar yaad kuchh nahin aata

ki iḳhtitam (beginning) kahan ḳhwab ke safar ka hua

koi purana ḳhat kuchh bhuli-bisri yaad

zaḳhmon par vo lamhe marhum (medicine) hote hain

neend se uth kar vo kehna yaad hai

tum ko kya sujhi ye aadhi raat ko

kis taraf aaye kidhar bhuul pade ḳhair to hai

aaj kya tha jo tumhen yaad humari aaye

yaad ka zaḳhm bhi hum tujh ko nahin de sakte

dekh kis alam-e-ghurbat (stage of poverty) mea mile hain tujh se

vahi ankhon mea aur ankhon se poshida (hidden) bhi rehta hai

meri yadon mea ik bhula hua chehra bhi rehta hai

ab bhi aati hai teri yaad par is karb ke saath

tutti neend mea jaise koi sapna dekha

mera akela ḳhuda yaad aa raha hai mujhe

ye sochta hua girja (church) bula raha hai mujhe

Jee (heart) na sakoon mea jis ke baghair

aksar yaad na aaya vo

kahani apni apni ahl-e-mahfil (family members) jab sunate hain

mujhe bhi yaad ik bhula hua afsana aata hai

yaad aayean usko dekh ke apni musibaten

roye hum aaj ḳhoob lipat kar raqib (care taker) se

yaad aur unki yaad ki allah-re (oh-God) mahviyat (absorption)

jaise tamam umr ki fursat ḳharid li

gin raha hun harf (blame) unke ahd (promise) ke

mujh ko dhoka de rahi hai yaad kya

kar kuchh aisa ki tujhe yaad rakhun

bhool jaane ka taqaza (demand) hi sahi

tujhe kuchh uski ḳhabar bhi hai bhulne vaale

kisi ko yaad teri baar baar aaye hai

aaj kuch rang digar (other) hai mere ghar ka ‘ḳhalid’

sochta hun ye teri yaad hai ya ḳhud tu hai

manzar tha raakh (ash) aur tabiyat udaas thi

har-chand (although) teri yaad mere aas paas thi

chamak rahe thea andhere mea soch ke jugnu

mae apni yaad ke ḳheme (tent) mea so nahin paaya

ḳhud mujh ko bhi ta-der (for a long time) ḳhabar ho nahin paaye

aaj aaye teri yaad is ahista-ravi (slow movement) se

yaad teri jaise ki sar-e-shum ( evident / clearly)

dhund utar jaaye paani mea

tumhari yaad mea duniya ko hun bhulaye hue

tumhare dard ko seene se hun lagaye hue

vo mil na sake , yaad to hai unki salamat

iss yaad se bhi hum ne bahut kaam liya hai

naye charagh jala yaad ke ḳharabe (bad turn) mea

vatan mea raat sahi raushni manaya kar

khila rahega kisi yaad ke jazire (land) par

ye baagh (garden) mae jise viran (deserted) karne vaala hun

tum jo kehte ho bigad kar hum na ayenge kabhi

ye bhi keh do ab na aayegi humari yaad bhi

mae kinare pe khada hun to koi baat nahin

behta rehta hai teri yaad ka dariya mujh mea

zindagi yun bhi guzar hi jaati

kyun tera rahguzar (way) yaad aaya

yad-e-mazi (memory of past) ki pur-asrar (mysterious) hasin galiyon mea

mere humrah (co-traveller) abhi ghuum (wander) raha hai koi

ḳhabar deti hai yaad karta hai koi

jo bandha hai hichki ne taar (thread) aate aate

tamam yaden mehak rahi hain har ek ghuncha ( flower bud) khila hua hai

zamana beeta magar guman (thought) hai ki aaj hi vo juda hua hai

reh reh ke kaundti (lightning) hae andhere mea bijliyan

tum yaad kar rahe ho ki yaad aa rahe ho tum

Phir gaye ik aur hi duniya nazar ke samne

baithe baithe kya bataun kya mujhe yaad aa gaya

hum faramosh (forgetfull) ki faramoshi (forgetfulness)

aur tum yaad umr bhar bhule

tamam raat vo pehlu ko garm (having sex with someone) karta raha

kisi ki yaad ka nashsha sharab jaisa tha

Go (although) faramoshi (forgefullness) ki takmil (completion) hua chahti hai

phir bhi keh do ki humea yaad vo aaya na kare

kisi ki yaad se dil ka andhera aur badhta hai

ye ghar mere sulagne (flame) se munavvar (bright) ho nahin sakta

taaqub (chase) mea hai mere yaad kis ki

mae kis ko bhuul jaana chahta hun

tumhari yaad ,mera dil , ye donon chalte purze (pieces) hain

jo in mea se koi mitta mujhe pehle mita jaata

kabhi bhulaya kabhi yaad kar liya us ko

ye kaam hai to bahut mujh se kaam us ne liya

rang-e-dil ,rang-e-nazar yaad aaya

tere jalvon ka asar yaad aaya

yaad na aane ka vaada kar ke

vo to pehle se siva (extra) yaad aaya

yun guzarta hai teri yaad ki vaadi (place) mea ḳhayal

ḳharzaron (thorn field) mea koi barhana-pa (barefoot / without shoes) ho jaise

yaad rakhne ki ye batean hain baja ( respectfull) hai sach hai

aap bhule na humea aap ko hum bhuul gaye

basi hai sookhe gulabon ki baat sanson mea

koi ḳhayal kisi yaad ke hisar (enclosure) mea hai

ye sach hai ki auron hi ko tum yaad karoge

mere dil-e-nashad (unhappy heart) ko kab shad (glad) karoge

mera ḳhayal nahin hai to aur kya hoga

guzar gaya tere mathe (forehead) se jo shikan ( frown/ lines) ki tarah

markaz-e-jan (center of life) to vahi tu hai magar tere siva

log hain aur bhi is yaad purani mea kahin

ek tumhari yaad ne laakh diye jalaye hain

amad-e-shab (arrival of night) ke qabl (before) bhi ḳhatm-e-sahar (end of morning) ke baad bhi

ek hansti hui badli dekhi

ek jalta hua ghar yaad aaya

Vo jo hum mea tum mea qarar (aggrement) tha tumhen yaad ho ki na yaad ho

Vahi yaani vaada nibah (fullfill promise) ka tumhen yaad ho ki na yaad ho

Vo jo lutf (favour) mujh pe thea beshtar (mostly) vo karam ki thea mere haal par

Mujhe sab hai yaad zara zara tumhen yaad ho ki na yaad ho

Vo naye gile vo shikayaten vo maze maze ki hikayaten (arguments)

Vo har ek baat pe ruthna tumhen yaad ho ki na yaad ho

Kabhi baithe sab mea jo ru-ba-ru (face to face) to isharaton (sign languags) hi se guftugu ( talking)

Vo bayan (statement) shauq (love) ka barmala (publicaly) tumhen yaad ho ki na yaad ho

Koi baat aisi agar hui ki tumhare jee ( heart) ko buri lagi

to bayan se pehle hi bhulna tumhen yaad ho ki na yaad ho

Kabhi hum mea tum mea bhi chaah thi kabhi hum se tum se bhi raah thi

kabhi hum bhi tum bhi thea ashna (friendly) tumhen yaad ho ki na yaad ho

Suno zikr hai kaye saal ka ki kiya ik aap ne vaada tha

so nibahane ka to zikr kya tumhen yaad ho ki na yaad ho

Vo bigadna vasl (meeting) ki raat ka vo na manna kisi baat ka

vo nahin nahin ki har aan (dignity) ada tumhen yaad ho ki na yaad ho

jise aap ginte the ashna (friend) jise aap kehte thea ba-wafa (faithfull)

mae vahi hun ‘momin’-e-mubtala (suffering / unhappy) tumhen yaad ho ki na yaad ho

thak gaya main karte karte yaad tujh ko

ab tujhe main yaad aana chahta hun

aap ki yaad aati rahi raat bhar

chashm-e-nam (tearfull eyes) muskurati rahi raat bhar

aaj phir neend ko ankhon se bichhadte dekha

aaj phir yaad koi chot purani aaye

is qadar roya hun teri yaad mea

ayine ankhon ke dhundle ho gaye

hum hi mea thi na koi baat yaad na tum ko aa sake

tum ne humea bhula diya hum na tumhen bhula sake

‘amir’ ab hichkiyan aane lagi hain

kahin main yaad farmaya gaya hun

koi virani si virani (emptyness) hai

dasht (desert) ko dekh ke ghar yaad aaya

duniya ke sitam yaad , na apni hi vafa yaad

ab mujh ko nahin kuchh bhi mohabbat ke siva yaad

Yu nhi dil ne chaha tha rona-rulana

teri yaad to ban gaye ik bahana

yaad karne pe bhi dost aaye na yaad

doston ke karam yaad aate rahe

tabiyat apni ghabrati hai jab sunsaan raton mea

hum aise mea teri yadon ki chadar taan lete hain

tanhaiyan tumhara pata poochhti rahin

shab-bhar (whole night) tumhari yaad ne sone nahin diya

aa gaye yaad shaam dhalte hi

bujh gaya dil charagh jalte hi

dil mea ik dard utha ankhon mea aansu bhar aaye

baithe baithe humea kya janiye kya yaad aaya

yadon ki bauchharon ( rain) se jab palken bhigne lagti hain

sondhi sondhi (makes heart happy) lagti hai tab maazi (past) ki rusvaye (dishonour) bhi

ab us ki shakl bhi mushkil se yaad aati hai

vo jis ke naam se hote na the juda mere lab (lips)

ik safina (ship) hai teri yaad agar

ik samundar hai meri tanhayi

jis mea ho yaad bhi teri shaamil

haaye us be-ḳhudi ( not in one self) ko kya kahiye

yaad aaye vo pehli barish

jab tujhe ek nazar dekha tha

bhulaye nahin ja sakengi ye baten

tumhen yaad ayenge hum yaad rakhna

mujhe yaad karne se ye muddaa (issue / problem) tha

nikal jaaye dum hichkiyan aate aate

kaun uthayega tumhari ye jafa (injustice) mere baad

yaad aayegi bahut meri vafa mere baad

zara der baithe tha tanhayi mea

teri yaad ankhen dukhane lagi

us ne goya (as if) mujhi ko yaad rakha

main bhi goya usi ko bhuul gaya

din guzara tha badi mushkil se

phir tera va.ada-e-shab (promise of night) yaad aaya

kitne nadan hain tere bhulne vaale

ki tujhe yaad karne ke liye umr padi ho jaise

ye haqiqat hai ki ahbab (lover) ko hum

yaad hi kab thea jo ab yaad nahin

bhuul gaye vo shakl bhi aḳhir

kab tak yaad koi rehta hai

guzar jayenge jab din guzre aalam (time) yaad ayenge

humea tum yaad aaoge tumhen hum yaad ayenge

kahan aa ke rukne thea raste kahan mod tha usea bhuul ja

vo jo mil gaya usea yaad rakh jo nahin mila use bhuul ja

kuchh log ḳhayalon se chale jaayen to soyen (sleep)

beete hue din raat na yaad aayen to soyen

Dhalegi (going down) shaam jahan , nazar kahi nahi jayegi

phir is ke baad bahut yaad ghar ki aayegi

hum bhuul sake hain na tujhe bhuul sakenge

tu yaad rahega humea haan yaad rahega

tumhen yaad hi na aaun ye hai aur baat varna

main nahin hun dur itna ki salam tak na pahunche

main jaata hun dil ko tere paas chhode

meri yaad tujh ko dilata rahega

mai-ḳhane (bar) mea kyun yad-e-ḳhuda (remembering God) hoti hai aksar

masjid mea to zikr-e-mai-o-mina (talk about wine and glass) nahin hota

aati hai baat baat mujhe baar baar yaad

kehta hun daud daud ke qasid (messenger) se raah mea

vo raten chand ke saath gayein vo baten chand ke saath gayein

ab sukh ke sapne kya dekhen jab dukh ka suraj sar par ho

Ahatean (voices) sun raha hun yadon ki

aaj bhi apne intizar mea gum

kuchh khatakta (disturbing/ making noices) to hai pehlu mea mere reh reh kar

ab ḳhuda jaane teri yaad hai ya dil mera

kuchh is tarah se yaad aate rahe ho

ki ab bhuul jaane ko ji chahta hai

bachpan mea hum hi thea ya tha aur koi

vhashat (wildness) si hone lagti hai yadon se

kis munh se karen unke taghaful (neglect) ki shikayat

ḳhud hum ko mohabbat ka sabaq (lesson) yaad nahin hai

kahin ye apni mohabbat ki intiha (extreme) to nahin

bahut dinon se teri yaad bhi nahin aaye

rafta rafta (slowly) sab tasviren dhundli hone lagti hain

kitne chehre ek purane album mea mar jaate hain

phir aur taghaful (neglect) ka sabab (reason) kya hai ḳhudaya (o-God)

main yaad na aauun unhen mumkin hi nahin hai

ḳhwabon par iḳhtiyar (control) na yadon pe zor hai

kab zindagi guzari hai apne hisab mea

mausam-e-gul (season of spring) humea jab yaad aaya

jitna ghum ( dard) bhule thea sab yaad aaya

din bhar to main duniya ke dhandon (business) mea khoya raha

jab divaron se dhuup dhali tum yaad aaye

tu yaad aaya tere jaur-o-sitam (depression and wrong doing) lekin na yaad aaye

mohabbat mea ye maasumi badi mushkil se aati hai

ik yaad ki maujudgi (presence) seh bhi nahin sakte

ye baat kisi aur se keh bhi nahin sakte

haaye vo log jo dekhe bhi nahin

yaad aayen to rula dete hain

aate aate aayega unko ḳhayal

jaate jaate be-ḳhayali (ignorance) jayegi

is judaye mea tum andar se bikhar jaoge

kisi maazur (helpless) ko dekhoge to yaad aunga

us ko bhule to hue ho ‘fani’

kya karoge vo agar yaad aaya

bhula baithe ho hum ko aaj lekin ye samajh lena

bahut pachhtaoge jis waqt hum kal yaad ayenge

gum raha hun tere ḳhayalon mea

tujh ko awaz umr bhar di hai

raat teri yadon ne dil ko is tarah chheda

jaise koi chutki le narm narm galon mea

itni saari yadon ke hote bhi jab dil mea

virani hoti hai to hairani hoti hai

jin ki yadon se raushan hain meri ankhen

dil kehta hai unko bhi main yaad aata hun

bhule-bisre (forgotten) hue ghum phir ubhar aate hain kaye

ayina dekhen to chehre nazar aate hain kaye

ye kis azaab (big trouble) mea chhoda hai tune is dil ko

sukun (peace) yaad mea teri na bhulne mea qarar (aggrement)

meri nazar mea vahi mohni si murat hai

ye raat hijr (separation) ki hai phir bhi ḳhoobsurat hai

rulaegi meri yaad unko muddaton ( for years) sahab

karenge bazm (party) mea mehsos jab kami meri

yun teri yaad mea din raat magan (happy) rehta hun

dil dharkna tere qadmon ki sada (pukar) lagta hai

aaj kya lautte lamhat (moments) mayassar (available) aaye

yaad tum apni inayat (favour) se badh (increase) kar aaye

main apne dil se nikalun ḳhayal kis kis ka

jo tu nahin to koi aur yaad aaye mujhe

duniya mea hain kaam bahut

mujh ko itna yaad na aa

jaane vaale kabhi nahin aate

jaane valon ki yaad aati hai

vo sardiyon ki dhuup ki tarah ghurub (set) ho gaya

lipat rahi hai yaad jism se lihaf (quilt) ki tarah

tujh ko bhi kyun yaad rakha

soch ke ab pachhtate (repent) hain

vo din gaye ki ‘dagh’ thi har dam buton (murti) ki yaad

padhte hain panch waqt ki ab to namaz hum