ḳhayal jis ka tha mujhe ḳhayal mea mila mujhe

Sawal ka jawab bhi sawal mea mila mujhe

Gaya to is tarah gaya ki muddaton nahin mila

Mila jo phir to yuun ki vo malal mea mila mujhe

Tamam ilm ziist ka guzishtagan se hi hua

Amal guzishta daur ka misal mea mila mujhe

Nihal sabz rang mea jamal jis ka hai ‘munir’

Kisi qadim khwab ke muhal mea mila mujhe

…………………………………………

Aa gayi yaad shaam dhalte hi

Bujh gaya dil charagh jalte hi

Khul gaye sehar-e-ghum ke darvaze

Ik zara si hava ke chalte hi

Kaun tha tu ki phir na dekha tujhe

Mit gaya khwab aankh malte hi

ḳhauf aata hai apne hi ghar se

Mah-e-shab-tab ke nikalte hi

Tu bhi jaise badal sa jaata hai

Aks-e-divar ke badalte hi

ḳhum sa lag gaya hai hathon mea

Chadh gaya zahr gul masalte hi

………………………………

Ghum ki barish ne bhi tere naqsh ko dhoya nahin

Tu ne mujh ko kho diya main ne tujhe khoya nahin

Neend ka halka gulabi sa ḳhumar ankhon mea tha

Yuun laga jaise vo shab ko der tak soya nahin

Har taraf divar-o-dar aur un mea ankhon ke hujum

Kah sake jo dil ki halat vo lab-e-goya nahin

Jurm aadam ne kiya aur nasl-e-adam ko saza

Katta hum zindagi bhar main ne jo boya nahin

Janta hum ek aise shaḳhs ko main bhi ‘munir’

Ghum se patthar ho gaya lekin kabhi roya nahin

………………………………..

Bechain bahut phirna ghabra.e hue rehna

Ik aag si jazbon ki dahka.e hue rehna

Chhalka.e hue chalna ḳhushbu lab-e-lalin ki

Ik baagh sa saath apne mahka.e hue rehna

Us husn ka sheva hai jab ishq nazar aa.e

Parde mea chale jaana sharma.e hue rehna

Ik shaam si kar rakhna kajal ke karishme se

Ik chand sa ankhon mea chumka.e hue rehna

Aadat hi bana li hai tum ne to ‘munir’ apni

Jis sehar mea bhi rehna uktaye hue rehna

……………………………………..

Kisi ko apne amal ka hisab kya dete

Sawal saare ghalat the jawab kya dete

ḳharab sadiyon ki be-khwabiyan thiin ankhon mea

Ab in be-ant ḳhalaon mea khwab kya dete

Hava ki tarah musafir the dilbaron ke dil

Unhen bas ek hi ghar ka azaab kya dete

Sharab dil ki talab thi shara ke pahre mea

Hum itni tangi mea us ko sharab kya dete

‘Munir’ dasht shurua se sarab-asa tha

Is aaayena ko tamanna ki aab kya dete

…………………………………………

Be-ḳhayali mea yunhi bas ik irada kar liya

Apne dil ke shauq ko had se ziyada kar liya

Jante the donon hum us ko nibha sakte nahin

Us ne vaada kar liya main ne bhi vaada kar liya

Ghair se nafrat jo pa li ḳharch ḳhud par ho gayi

Jitne hum the hum ne ḳhud ko us se aadha kar liya

Shaam ke rangon mea rakh kar saaf paani ka gilas

Ab-e-sada ko harif-e-rang-e-bada kar liya

Hijraton ka ḳhauf tha ya pur-kashish kohna maqam

Kya tha jis ko hum ne ḳhud divar-e-jada kar liya

Ek aisa shaḳhs banta ja raha hum main ‘munir’

Jis ne ḳhud par band husn o jaam o baada kar liya

………………………………………

Zinda rahen to kya hai jo mar jaayen hum to kya

Duniya se ḳhumushi se guzar jaayen hum to kya

Hasti hi apni kya hai zamane ke samne

Ik khwab hain jahan mea bikhar jaayen hum to kya

Ab kaun muntazir hai humare liye vahan

Shaam aa gayi hai laut ke ghar jaayen hum to kya

Dil ki ḳhalish to saath rahegi tamam umr

Dariya-e-ghum ke paar utar jaayen hum to kya

…………………………………….

Itne ḳhumosh bhi raha na karo

Ghum juda.i mea yuun kiya na karo

Khwab hote hain dekhne ke liye

Un mea ja kar magar raha na karo

Kuchh na hoga gila bhi karne se

Zalimon se gila kiya na karo

Un se niklen hikayaten shayad

Harf likh kar mita diya na karo

Apne rutbe ka kuchh lihaz ‘munir’

Yaar sab ko bana liya na karo

………………………………………………….

Ye kaisa nashsha hai main kis ajab ḳhumar mea hum

Tu aa ke ja bhi chuka hai main intezar mea hum

Makan hai qabr jise log ḳhud banate hain

Main apne ghar mea hum ya main kisi mazar mea hum

Dar-e-fasil khula ya pahad sar se hata

Main ab giri hui galiyon ke marg-zar mea hum

Bas itna hosh hai mujh ko ki ajnabi hain sab

Ruka hua hum safar mea kisi dayar mea hum

Main hum bhi aur nahin bhi ajiib baat hai ye

Ye kaisa jabr hai main jis ke iḳhtiyar mea hum

‘Munir’ dekh shajar chand aur divaren

Hava ḳhizan ki hai sar par shab-e-bahar mea hum

……………………………………

Hain ravan us raah par jis ki koi manzil na ho

Justuju karte hain us ki jo humea hasil na ho

Dasht-e-najd-e-yas mea divangi ho har taraf

Har taraf mahmil ka shak ho par kahin mahmil na ho

Vahm ye tujh ko ajab hai ai jamal-e-kam-numa

Jaise sab kuchh ho magar tu diid ke qabil na ho

Vo khada hai ek bab-e-ilm ki dahliz par

Main ye kahta hum use is ḳhauf mea daḳhil na ho

Chahta hum main ‘munir’ is umr ke anjam par

Ek aisi zindagi jo is tarah mushkil na ho

………………………………..

Koi had nahin hai kamal ki

Koi had nahin hai jamal ki

Vahi qurb o door ki manzilen

Vahi shaam khwab-o-ḳhayal ki

Na mujhe hi us ka pata koi

Na use ḳhabar mire haal ki

Ye jawab meri sada ka hai

Ki sada hai us ke sawal ki

Ye namaz-e-asr ka waqt hai

Ye ghadi hai din ke zaval ki

Vo qayamaten jo guzar gayiin

Thiin amanaten ka.i saal ki

Hai ‘munir’ teri nigah mea

Koi baat gahre malal ki

……………………………………….

Us samt mujh ko yaar ne jaane nahin diya

Ik aur sehar-e-yar mea aane nahin diya

Kuchh waqt chahte the ki sochen tire liye

Tu ne vo waqt hum ko zamane nahin diya

Manzil hai us mahak ki kahan kis chuman mea hai

Us ka pata safar mea hava ne nahin diya

Roka ana ne kavish-e-be-sud se mujhe

Us but ko apna haal sunane nahin diya

Hai jis ke baad ahd-e-zaval-ashna ‘munir’

Itna kamal hum ko ḳhuda ne nahin diya

…………………………….

Ashk-e-ravan ki nahr hai aur hum hain dosto

Us bewafa ka sehar hai aur hum hain dosto

Ye ajnabi si manzilen aur raftagan ki yaad

Tanha.iyon ka zahr hai aur hum hain dosto

Laa.i hai ab uda ke gaye mausamon ki baas

Barkha ki rut ka qahr hai aur hum hain dosto

Phirte hain misl-e-mauj-e-hua sehar sehar mea

Avargi ki lahr hai aur hum hain dosto

Shum-e-alam dhali to chali dard ki hava

Raton ki pichhla pahr hai aur hum hain dosto

Ankhon mea ud rahi hai luti mahfilon ki dhuul

Ibrat-sara-e-dahr hai aur hum hain dosto

……………………………………..

Aa.ina ab juda nahin karta

Qaid mea hum riha nahin karta

Mustaqil sabr mea hai koh-e-giran

Naqsh-e-ibrat sada nahin karta

Rang-e-mahfil badalta rahta hai

Rang koi vafa nahin karta

Aish-e-duniya ki justuju mat kar

Ye dafina mila nahin karta

Ji mea aa.e jo kar guzarta hai

Tu kisi ka kaha nahin karta

Ek varis hamesha hota hai

Taḳht ḳhali raha nahin karta

Ahd-e-insaf aa raha hai ‘munir’

Zulm daa.em hua nahin karta

……………………………………..

Pi li to kuchh pata na chala vo surur tha

Vo us ka saaya tha ki vahi rashk-e-hur tha

Kal main ne us ko dekha to dekha nahin gaya

Mujh se bichhad ke vo bhi bahut ghum se chuur tha

Roya tha kaun kaun mujhe kuchh ḳhabar nahin

Main us ghadi vatan se ka.i miil door tha

Shum-e-firaq aa.i to dil dubne laga

Hum ko bhi apne aap pe kitna ghurur tha

Chehra tha ya sada thi kisi bhuli yaad ki

Ankhen thiin us ki yaaro ki dariya-e-nur tha

Nikla jo chand aa.i mahak tez si ‘munir’

Mere siva bhi baagh mea koi zarur tha

…………………………………….

Jo mujhe bhula denge main unhen bhula dunga

Sab ghurur un ka main ḳhaak mea mila dunga

Dekhta hum sab shaklen sun raha hum sab baten

Sab hisab un ka main ek din chuka dunga

Raushni dikha dunga in andher-nagron mea

Ik hava ziyaon ki char-su chala dunga

Be-misal qariyon ke be-kanar baghon ke

Apne khwab logon ke khwab mea dikha dunga

Main ‘munir’ ja.unga ek din use milne

Us ke dar pe ja ke main ek din sada dunga

……………………………….

Un se nayan mila ke dekho

Ye dhoka bhi kha ke dekho

Doori mea kya bhed chhupa hai

Is ka khoj laga ke dekho

Kisi akeli shaam ki chup mea

Geet purane ga ke dekho

Aaj ki raat bahut kaali hai

Soch ke diip jala ke dekho

Dil ka ghar sunsan pada hai

Dukh ki dhuum macha ke dekho

Jaag jaag kar umr kati hai

Neend ke dvare ja ke dekho

…………………………………….

Thi jis ki justuju vo haqiqat nahin mili

In bastiyon mea hum ko rifaqat nahin mili

Ab tak hain is guman mea ki hum bhi hain dahr mea

Is vahm se najat ki surat nahin mili

Rehna tha us ke saath bahut der tak magar

In roz o shab mea mujh ko ye fursat nahin mili

Kahna tha jis ko us se kisi waqt mea mujhe

Is baat ke kalam ki mohlat nahin mili

Kuchh din ke baad us se juda ho gaye ‘munir’

Us bewafa se apni tabi.at nahin mili

…………………………….

Ranj-e-firaq-e-yar mea rusva nahin hua

Itna main chup hua ki tamasha nahin hua

Aisa safar hai jis mea koi hum-safar nahin

Rasta hai is tarah ka jo dekha nahin hua

Mushkil hua hai rehna humea is dayar mea

Barson yahan rahe hain ye apna nahin hua

Vo kaam shah-e-sehar se ya sehar se hua

Jo kaam bhi hua hai vo achchha nahin hua

Milna tha ek baar use phir kahin ‘munir’

Aisa mea chahta tha par aisa nahin hua

……………………………………

Meri saari zindagi ko be-samar us ne kiya

Umr meri thi magar us ko basar us ne kiya

Main bahut kamzor tha is mulk mea hijrat ke baad

Par mujhe is mulk mea kamzor-tar us ne kiya

Rahbar mera bana gumrah karne ke liye

Mujh ko sidhe raste se dar-ba-dar us ne kiya

Sehar mea vo mo’atabar meri gavahi se hua

Phir mujhe is sehar mea na-mo’tabar us ne kiya

Sehar ko barbad kar ke rakh diya us ne ‘munir’

Sehar par ye zulm mere naam par us ne kiya

………………………………………………….

Chuman main rang-e-bahar utra to main ne dekha

Nazar se dil ka ghubar utra to main ne dekha

Main nim-shab asman ki vus.at ko dekhta tha

Zamin pe vo husn-zar utra to main ne dekha

Gali ke bahar tamam manzar badal gaye the

Jo saya-e-ku-e-yar utra to main ne dekha

ḳhumar-e-mai mea vo chehra kuchh aur lag raha tha

Dam-e-sahar jab ḳhumar utra to main ne dekha

Ik aur dariya ka samna tha ‘munir’ mujh ko

Main ek dariya ke paar utra to main ne dekha

……………………………………..

Ik tez tiir tha ki laga aur nikal gaya

Maari jo chiḳh rail ne jangal dahal gaya

Soya hua tha sehar kisi saanp ki tarah

Main dekhta hi rah gaya aur chand dhal gaya

ḳhvahish ki garmiyan thiin ajab un ke jism mea

ḳhuban ki sohbaton mea mira ḳhum jal gaya

Thi shaam zahr-e-rang mea doobi hui khadi

Phir ik zara si der mea manzar badal gaya

Muddat ke baad aaj use dekh kar ‘munir’

Ik baar dil to dhadka magar phir sambhal gaya

…………………………………………

Thake logon ko majburi mea chalte dekh leta hum

Main bas ki khidkiyon se ye tamashe dekh leta hum

Kabhi dil mea udasi ho to un mea ja nikalta hum

Purane doston ko chup se baithe dekh leta hum

Chhupate hain bahut vo garmi-e-dil ko magar main bhi

Gul-e-ruḳh par udi rangat ke chhinte dekh leta hum

Khada hum yuun kisi ḳhali qile ke sehn-e-viran mea

Ki jaise main zaminon mea dafine dekh leta hum

‘Munir’ andaza-e-qar-e-fana karna ho jab mujh ko

Kisi unchi jagah se jhuk ke niche dekh leta hum

…………………………………….

Aur hain kitni manzilen baaqi

Jaan kitni hai jism mea baaqi

Zinda logon ki bud-o-bash mea hain

Murda logon ki adaten baaqi

Us se milna vo khwab-e-hasti mea

Khwab madum hasraten baaqi

Bah gaye rang-o-nur ke chashme

Rah gayiin un ki rangaten baaqi

Jin ke hone se hum bhi hain ai dil

Sehar mea hain vo suraten baaqi

Vo to aa ke ‘munir’ ja bhi chuka

Ik mahak si hai baagh mea baaqi

……………………………..

Apne ghar ko vapas jaao ro ro kar samjhata hai

Jahan bhi ja.un mera saaya pichhe pichhe aata hai

Us ko bhi to ja kar dekho us ka haal bhi mujh sa hai

Chup chup rah kar dukh sahne se to insan mar jaata hai

Mujh se mohabbat bhi hai us ko lekin ye dastur hai us ka

Ghair se milta hai hans hans kar mujh se hi sharmata hai

Kitne yaar hain phir bhi ‘munir’ is abadi mea akela hai

Apne hi ghum ke nashshe se apna ji bahlata hai

………………………………………………

Deti nahin amaan jo zamin asman to hai

Kahne ko apne dil se koi dastan to hai

Yuun to hai rang zard magar hont laal hain

Sahra ki vus.aton mea kahin gulsitan to hai

Ik chiil ek mumti pe baithi hai dhuup mea

Galiyan ujad gayi hain magar pasban to hai

Awaz de ke dekh lo shayad vo mil hi jaaye

Varna ye umr bhar ka safar rahegan to hai

Mujh se bahut qarib hai tu phir bhi ai ‘munir’

Parda sa koi mere tire darmiyan to hai

…………………………………

Baith jaata hai vo jab mahfil mea aa ke samne

Main hi bas hota hum us ki is ada ke samne

Tez thi itni ki saara sehar suuna kar gayi

Der tak baitha raha main us hava ke samne

Raat ik ujde makan par ja ke jab awaz di

Guunj utthe bam-o-dar meri sada ke samne

Vo rangila haath mere dil pe aur us ki mahak

Shum-e-dil bujh si gayi rang-e-hina ke samne

Main to us ko dekhte hi jaise patthar ho gaya

Baat tak munh se na nikli bewafa ke samne

Yaad bhi hain ai ‘munir’ us shaam ki tanha.iyan

Ek maidan ik daraḳht aur tu ḳhuda ke samne

……………………………………..

Hansi chhupa bhi gaya aur nazar mila bhi gaya

Ye ik jhalak ka tamasha jigar jala bhi gaya

Utha to ja bhi chuka tha ajiib mehman tha

Sada.en de ke mujhe neend se jaga bhi gaya

Ghazab hua jo andhere mea jal uthi bijli

Badan kisi ka tilismat kuchh dikha bhi gaya

Na aaya koi lab-e-bam shaam dhalne lagi

Vufur-e-shauq se ankhon mea ḳhum aa bhi gaya

Hava thi gahri ghata thi hina ki ḳhushbu thi

Ye ek raat ka qissa lahu rula bhi gaya

Chalo ‘munir’ chalen ab yahan rahen bhi to kya

Vo sang-dil to yahan se kahin chala bhi gaya

……………………………….

Vo jo mere paas se ho kar kisi ke ghar gaya

Reshmi malbus ki ḳhushbu se jaadu kar gaya

Ik jhalak dekhi thi us ru-e-dil-ara ki kabhi

Phir na ankhon se vo aisa dilruba manzar gaya

Sehar ki galiyon mea gahri tirgi giryan rahi

Raat badal is tarah aa.e ki main to dar gaya

Thi vatan mea muntazir jis ki koi chashm-e-hasin

Vo musafir jaane kis sahra mea jal kar mar gaya

Sub.h-e-kazib ki hava mea dard tha kitna ‘munir’

Rail ki siiti baji to dil lahu se bhar gaya

…………………………………………

Tujh se bichhad kar kya hum main ab bahar aa kar dekh

Himmat hai to meri halat aankh mila kar dekh

Shaam hai gahri tez hava hai sar pe khadi hai raat

Rasta gaye musafir ka ab diya jala kar dekh

Darvaze ke paas aa aa kar vapas mudti chaap

Kaun hai is sunsan gali mea paas bula kar dekh

Shayad koi dekhne vaala ho jaaye hairan

Kamre ki divaron par koi naqsh bana kar dekh

Tu bhi ‘munir’ ab bhare jahan mea mil kar rehna siikh

Bahar se to dekh liya ab andar ja kar dekh

……………………………………..

Apni hi tegh-e-ada se aap ghayal ho gaya

Chand ne paani mea dekha aur pagal ho gaya

Vo hava thi shaam hi se raste ḳhali ho gaye

Vo ghata barsi ki saara sehar jal-thal ho gaya

Main akela aur safar ki shaam rangon mea dhali

Phir ye manzar meri nazron se bhi ojhal ho gaya

Ab kahan hoga vo aur hoga bhi to vaisa kahan

Soch kar ye baat ji kuchh aur bojhal ho gaya

Husn ki dahshat ajab thi vasl ki shab mea ‘munir’

Haath jaise intiha-e-shauq se shal ho gaya

…………………………………….

Aa.i hai ab yaad kya raat ik biite saal ki

Yahi hava thi baagh mea yahi sada ghadiyal ki

Mahak ajab si ho gayi pade pade sanduq mea

Rangat phiki pad gayi reshum ke rumal ki

Sehar mea dar tha maut ka chand ki chauthi raat ko

Inton ki is khoh mea dahshat thi bhaunchal ki

Shaam jhuki thi bahr par pagal ho kar rang se

Ya tasvir thi khwab mea mere kisi ḳhayal ki

Umr ke saath ajiib sa ban jaata hai aadmi

Halat dekh ke dukh hua aaj us pari-jamal ki

Dekh ke mujh ko ghaur se phir vo chup se ho gaye

Dil mea ḳhalish hai aaj tak is an-kahe sawal ki

……………………………………

Apna to ye kaam hai bhaa.i dil ka ḳhum bahate rehna

Jaag jaag kar in raton mea sher ki aag jalate rehna

Apne gharon se door banon mea phirte hue avara logo

Kabhi kabhi jab waqt mile to apne ghar bhi jaate rehna

Raat ke dasht mea phuul khile hain bhuli-bisri yadon ke

Ghum ki tez sharab se un ke tikhe naqsh mitate rehna

ḳhushbu ki divar ke pichhe kaise kaise rang jame hain

Jab tak din ka suraj aa.e us ka khoj lagate rehna

Tum bhi ‘munir’ ab un galiyon se apne aap ko door hi rakhna

Achchha hai jhute logon se apna-ap bachate rehna

……………………………………..

Raat itni ja chuki hai aur sona hai abhi

Is nagar mea ik ḳhushi ka khwab bona hai abhi

Kyun diya dil us but-e-kamsin ko aise waqt mea

Dil si shai jis ke liye bas ik khilauna hai abhi

Aisi yadon mea ghire hain jin se kuchh hasil nahin

Aur kitna waqt un yadon mea khona hai abhi

Jo hua hona hi tha so ho gaya hai dosto

Daagh is ahd-e-sitam ka dil se dhona hai abhi

Hum ne khilte dekhna hai phir ḳhayaban-e-bahar

Sehar ke atraf ki mitti mea sona hai abhi

Baith jaayen saya-e-daman-e-ahmad mea ‘munir’

Aur phir sochen vo baten jin ko hona hai abhi

………………………………………….

Hai shakl teri gulab jaisi

Nazar hai teri sharab jaisi

Hava sahar ki hai in dinon mea

Badalte mausam ke khwab jaisi

Sada hai ik duriyon mea ojhal

Meri sada ke jawab jaisi

Vo din tha dozaḳh ki aag jaisa

Vo raat gahre azaab jaisi

Ye sehar lagta hai dasht jaisa

Chumak hai us ki sarab jaisi

‘Munir’ teri ghazal ajab hai

Kisi safar ki kitab jaisi

……………………………………………

Koi daagh hai mire naam par

Koi saaya mere kalam par

Ye pahad hai mire samne

Ki kitab manzar-e-am par

Kisi intezar-e-nazar mea hai

Koi raushni kisi baam par

Ye nagar parindon ka ghol hai

Jo gira hai dana-o-dam par

Ghum-e-ḳhas par kabhi chup rahe

Kabhi ro diye ghum-e-am par

Hai ‘munir’ hairat-e-mustaqil

Main khada hum aise maqam par

………………………………….

Uga sabza dar-o-divar par ahista ahista

Hua ḳhali sadaon se nagar ahista ahista

Ghira badal ḳhumoshi se ḳhizan-asar baghon par

Hile thandi havaon mea shajar ahista ahista

Bahut hi sust tha manzar lahu ke rang laane ka

Nishan aḳhir hua ye surḳh-tar ahista ahista

Chumak zar ki use aḳhir makan-e-ḳhak mea laa.i

Banaya saanp ne jismon mea ghar ahista ahista

Mire bahar fasilen thiin ghubar-e-ḳhak-o-baran ki

Mili mujh ko tire ghum ki ḳhabar ahista ahista

‘Munir’ is mulk par aaseb ka saaya hai ya kya hai

Ki harkat tez-tar hai aur safar ahista ahista

………………………………………..

Is sehar-e-sang-dil ko jala dena chahiye

Phir us ki ḳhaak ko bhi uda dena chahiye

Milti nahin panah humea jis zamin par

Ik hashr us zamin pe utha dena chahiye

Had se guzar gayi hai yahan rasm-e-qaheri

Is dahr ko ab is ki saza dena chahiye

Ik tez ra.ad jaisi sada har makan mea

Logon ko un ke ghar mea dara dena chahiye

Gum ho chale ho tum to bahut ḳhud mea ai ‘munir’

Duniya ko kuchh to apna pata dena chahiye

……………………………………

Safar mea hai jo azal se ye vo bala hi na ho

Kivad khol ke dekho kahin hava hi na ho

Nigah-e-a.ina ma.alum aks na-malum

Dikha.i deta hai jo asl mea chhupa hi na ho

Zamin ke gird bhi paani zamin ki tah mea bhi

Ye sehar jam ke khada hai jo tairta hi na ho

Na ja ki is se pare dasht-e-marg ho shayad

Palatna chahen vahan se to rasta hi na ho

Main is ḳhayal se jaata nahin vatan ki taraf

Ki mujh ko dekh ke us but ka ji bura hi na ho

Kati hai jis ke ḳhayalon mea umr apni ‘munir’

Maza to jab hai ki us shoḳh ko pata hi na ho

……………………………………

Jo dekhe the jaadu tire haat ke

Hain charche abhi tak isi baat ke

Ghata dekh kar ḳhush huie ladkiyan

Chhaton par khile phuul barsat ke

Mujhe dard dil ka vahan le gaya

Jahan dar khule the tilismat ke

Hava jab chali phadphada kar ude

Parinde purane mahallat ke

Na tu hai kahin aur na main hum kahin

Ye sab silsile hain ḳhayalat ke

‘Munir’ aa rahi hai ghadi vasl ki

Zamane gaye hijr ki raat ke

………………………………………

Mahfil-ara the magar phir kam-numa hote gaye

Dekhte hi dekhte hum kya se kya hote gaye

Na-shanasi dahr ki tanha humea karti gayi

Hote hote hum zamane se juda hote gaye

Muntazir jaise the dar shahar-e-firaq-asar ke

Ik zara dastak hui dar dam mea va hote gaye

Harf parda-posh the izhar-e-dil ke baab mea

Harf jitne sehar mea the harf-e-la hote gaye

Waqt kis tezi se guzra roz-marra mea ‘munir’

Aaj kal hota gaya aur din hava hote gaye

…………………………………..

Dil jal raha tha ghum se magar naghma-gar raha

Jab tak raha main saath mire ye humar raha

Sub.h-e-safar ki raat thi taare the aur hava

Saaya sa ek der talak baam par raha

Meri sada hava mea bahut door tak gayi

Par main bula raha tha jise be-ḳhabar raha

Guzri hai kya maze se ḳhayalon mea zindagi

Doori ka ye tilism bada kargar raha

ḳhauf asman ke saath tha sar par jhuka hua

Koi hai bhi ya nahin hai yahi dil mea dar raha

Us aḳhiri nazar mea ajab dard tha ‘munir’

Jaane ka us ke ranj mujhe umr bhar raha

…………………………………

Phuul the badal bhi tha aur vo hasin surat bhi thi

Dil mea lekin aur hi ik shakl ki hasrat bhi thi

Jo hava mea ghar bana.e kaash koi dekhta

Dasht mea rahte the par ta.amir ki aadat bhi thi

Kah gaya main samne us ke jo dil ka mudda.a

Kuchh to mausam bhi ajab tha kuchh meri himmat bhi thi

Ajnabi seharon mea rahte umr saari kat gayi

Go zara se fasle par ghar ki har rahat bhi thi

Kya qayamat hai ‘munir’ ab yaad bhi aate nahin

Vo purane ashna jin se humea ulfat bhi thi

…………………………………………..

Us ka naqsha ek be-tartib afsane ka tha

Ye tamasha tha ya koi khwab divane ka tha

Saare kirdaron mea be-rishta ta.alluq tha koi

Un ki be-hoshi mea ghum sa hosh aa jaane ka tha

Ishq kya hum ne kiya avargi ke ahd mea

Ik jatan bechainiyon se dil ko bahlane ka tha

Khwahishen hain ghar se bahar door jaane ki bahut

Shauq lekin dil mea vapas laut kar aane ka tha

Le gaya dil ko jo us mahfil ki shab main ai ‘munir’

Us hasin ka bazm mea andaz sharmane ka tha

……………………………………..

ḳhayal-e-yakta mea khwab itne

Sawal tanha jawab itne

Kabhi na ḳhubi ka dhyan aaya

Hue jahan mea ḳharab itne

Hisab dena pada humea bhi

Ki hum jo the be-hisab itne

Bas ik nazar mea hazar baten

Phir us se aage hijab itne

Mahak uthe rang-e-surḳh jaise

Khile chuman mea gulab itne

‘Munir’ aa.e kahan se dil mea

Na.e na.e iztirab itne

……………………………………………..

Dar ke kisi se chhup jaata hai jaise saanp ḳhazane mea

Zar ke zor se zinda hain sab ḳhaak ke is virane mea

Jaise rasm ada karte hon seharon ki abadi mea

Sub.h ko ghar se door nikal kar shaam ko vapas aane mea

Niile rang mea doobi ankhen khuli padi thiin sabze par

Aks pada tha asman ka shayad is paimane mea

Dabi hui hai zer-e-zamin ik dahshat gung sadaon ki

Bijli si kahin laraz rahi hai kisi chhupe tah-ḳhane mea

Dil kuchh aur bhi sard hua hai shum-e-sehar ki raunaq se

Kitni ziya be-sud gayi shishe ke lafz jalane mea

Main to ‘munir’ aayena mea ḳhud ko tak kar hairan hua

Ye chehra kuchh aur tarah tha pehle kisi zamane mea

…………………………………….

Saare manzar ek jaise saari baten ek si

Saare din hain ek se aur saari raten ek si

Be-natija be-samar jang-o-jadal suud o ziyan

Saari jiten ek jaisi saari maten ek si

Sab mulaqaton ka maqsad karobar-e-zar-gari

Sab ki dahshat ek jaisi sab ki ghaten ek si

Ab kisi mea agle waqton ki vafa baaqi nahin

Sab qabile ek hain ab saari zaten ek si

Ek hi ruḳh ki asiri khwab hai seharon ka ab

Un ke matam ek se un ki baraten ek si

Hon agar zer-e-zamin to fa.eda hone ka kya

Sang o gauhar ek hain phir saari dhaten ek si

Ai ‘munir’ azad ho is sehr-e-yak-rangi se tu

Ho gaye sab zahr yaksan sab nabaten ek si

………………………………….

Ghairon se mil ke hi sahi be-bak to hua

Baare vo shoḳh pehle se chalak to hua

Ji ḳhush hua hai girte makanon ko dekh kar

Ye sehar ḳhauf-e-ḳhud se jigar-chak to hua

Ye to hua ki aadmi pahumcha hai maah tak

Kuchh bhi hua vo vaqif-e-aflak to hua

Kuchh aur vo hua na hua mujh ko dekh kar

Yad-e-bahar-e-husn se ghumnak to hua

Is kashmakash mea hum bhi thake to hain ai ‘munir’

Sehar-e-ḳhuda sitam se magar paak to hua

…………………………………….

Abhi mujhe ik dasht-e-sada ki virani se guzarna hai

Ek masafat ḳhatm hui hai ek safar abhi karna hai

Giri hui divaron mea jakde se hue darvazon ki

ḳhakistar si dahlizon par sard hava ne darna hai

Dar jaana hai dasht-o-jabal ne tanha.i ki haibat se

Aadhi raat ko jab mahtab ne tariki se ubharna hai

Ye to abhi aghaz hai jaise is pinha-e-hairat ka

Aankh ne aur sanvar jaana hai rang ne aur nikharna hai

Jaise zar ki pilahat mea mauj-e-ḳhum utarti hai

Zahr-e-zar ke tund nashe ne dida-o-dil mea utarna hai

………………………………….

Zor paida jism o jaan ki na-tavani se hua

Shor seharon mea musalsal be-zabani se hua

Der tak ki zindagi ki khwahishen us but ko hain

Shauq us ko intiha ka umr-e-fani se hua

Main hua nakam apni be-yaqini ke sabab

Jo hua sab mere dil ki bad-gumani se hua

Hai nishan mera bhi shayad shash-jihat-e-dahr mea

Ye guman mujh ko ḳhud apni be-nishani se hua

Tha ‘munir’ aghaz hi se rasta apna ghalat

Is ka andaza safar ki ra.igani se hua

………………………………..

Jab bhi ghar ki chhat par jaayen naaz dikhane aa jaate hain

Kaise kaise log humare ji ko jalane aa jaate hain

Din bhar jo suraj ke dar se galiyon mea chhup rahte hain

Shaam aate hi ankhon mea vo rang purane aa jaate hain

Jin logon ne un ki talab mea sahraon ki dhuul udaa.i

Ab ye hasin un ki qabron par phuul chadhane aa jaate hain

Kaun sa vo jaadu hai jis se ghum ki andheri sard gupha mea

Laakh nisa.i saans dilon ke rog mitane aa jaate hain

Ze ke reshmi rumalon ko kis kis ki nazron se chhupa.en

Kaise hain vo log jinhen ye raaz chhupane aa jaate hain

Hum bhi ‘munir’ ab duniya-dari kar ke waqt guzarenge

Hote hote jiine ke bhi laakh bahane aa jaate hain

…………………………………………

Jafa.en door tak jaati hain kam abad seharon mea

Vafa.en door tak jaati hain kam abad seharon mea

Baharen der tak rahti hain kam abad qariyon mea

ḳhiza.en door tak jaati hain kam abad seharon mea

Sada hansne ki ho afsos ki ya aah bharne ki

Sada.en door tak jaati hain kam abad seharon mea

Andhera jab ghana ho to charagh-e-rah-e-viran ki

Shua.en door tak jaati hain kam abad seharon mea

‘Munir’ abad seharon ke makinon ki hava le kar

Hava.en door tak jaati hain kam abad seharon mea

…………………………………..

Sun bastiyon ka haal jo had se guzar gayiin

Un ummaton ka zikr jo raston mea mar gayiin

Kar yaad un dinon ko ki abad thiin yahan

Galiyan jo ḳhaak o ḳhum ki dahshat se bhar gayiin

Sarsar ki zad mea aa.e hue bam-o-dar ko dekh

Kaisi hava.en kaisa nagar sard kar gayiin

Kya baab the yahan jo sada se nahin khule

Kaisi dua.en thiin jo yahan be-asar gayiin

Tanha ujaad burjon mea phirta hai tu ‘munir’

Vo zar-fishaniyan tire ruḳh ki kidhar gayiin

…………………………………….

Dil ajab mushkil mea hai ab asl raste ki taraf

Yaad pichhe khinchti hai aas aage ki taraf

Chhod kar nikle the jis ko dasht-e-ghurbat ki taraf

Dekhna shum-o-sahar ab ghar ke saa.e ki taraf

Hai abhi aghaz din ka is dayar-e-qaid mea

Hai abhi se dhyan saara shab ke pahre ki taraf

Sub.h ki raushan kiran ghar ke dariche par padi

Ek ruḳh chumka hava mea us ke shishe ki taraf

Duriyon se pur-kashish hain manzilen donon ‘munir’

Main ravan hum khwab mea napaid qarye ki taraf

……………………………………..

ḳhumar-e-shab mea use main salam kar baitha

Jo kaam karna tha mujh ko vo kaam kar baitha

Qaba-e-zard pahan kar vo bazm mea aaya

Gul-e-hina ko hatheli mea thaam kar baitha

Chhupa gaya tha mohabbat ka raaz main to magar

Vo bhol-pan mea suḳhan dil ka aam kar baitha

Jo so ke uttha to rasta ujaad lagta tha

Pahumchna tha mujhe manzil pe shaam kar baitha

Thakan safar ki badan shal sa kar gayi hai ‘munir’

Bura kiya jo safar mea qayam kar baitha

………………………………………….

Raushni dar raushni hai us taraf

Zindagi dar zindagi hai us taraf

Jin azabon se guzarte hain yahan

Un azabon ki nafi hai us taraf

Ik riha.ish ḳhvahish-e-dil ki tarah

Ik numa.ish khwab ki hai us taraf

Jo bikhar kar rah gaya hai is jagah

Husn ki ik shakl bhi hai us taraf

Justuju jis ki yahan par ki ‘munir’

Us se milne ki ḳhushi hai us taraf

………………………………………..

Imtihan hum ne diye is dar-e-fani mea bahut

Ranj khinche hum ne apni la-makani mea bahut

Vo nahin us sa to hai khwab-e-bahar-e-javedan

Asl ki ḳhushbu udi hai us ke saani mea bahut

Raat din ke aane jaane mea ye sona jagna

Fikr valon ko pate hain is nishani mea bahut

Koyalen kukin bahut divar-e-gulshan ki taraf

Chand damka hauz ke shaffaf paani mea bahut

Us ko kya yaden thiin kya aur kis jagah par rah gayiin

Tez hai dariya-e-dil apni ravani mea bahut

Aaj us mahfil mea tujh ko bolte dekha ‘munir’

To ki jo mash.hur tha yuun be-zabani mea bahut

…………………………………….

Rida us chuman ki uda le gayi

Daraḳhton ke patte hava le gayi

Jo harf apne dil ke thikanon mea the

Bahut door un ko sada le gayi

Chala main sa.ubat se pur raah par

Jahan tak mujhe intiha le gayi

Gayi jis ghadi shum-e-sehr-e-vafa

Manazir se ik rang sa le gayi

Nishan ik purana kinare pe tha

Use mauj-e-dariya baha le gayi

‘Munir’ itna husn us zamane mea tha

Kahan us ko koi bala le gayi

…………………………………………

Hai us gul-rang ka divar hona

Ki jaise khwab se bedar hona

Batati hai mahak dast-e-hina ki

Kisi dar ka pas-e-divar hona

Use rakhta hai sahraon mea hairan

Dil-e-sha.ir ka pur-asrar hona

Kamal-e-shauq ka hasil yahi hai

Humara sehar se be-zar hona

Firaq aghaz hai un sa.aton ka

Hai aḳhir jin ka vasl-e-yar hona

Yahi hona tha aḳhir dasht-e-ghum ko

Humare haath se gulzar hona

Mohabbat ka sabab hai be-niyazi

Kashish us ki hai bas dushvar hona

‘Munir’ achchha nahin lagta ye tera

Kisi ke hijr mea bimar hona

…………………………………..

Dil ka safar bas ek hi manzil pe bas nahin

Itna ḳhayal us ka humea is baras nahin

Dekho gul-e-ahar-e-asar dasht-e-shum mea

Divar-o-dar koi bhi kahin pesh-o-pas nahin

Aaya nahin yaqin bahut der tak humea

Apne hi ghar ka dar hai ye bab-e-qafas nahin

Aisa safar hai jis ki koi intiha nahin

Aisa makan hai jis mea koi hum-nafas nahin

Aa.egi phir bahar isi sehar mea ‘munir’

Taqdir is nagar ki faqat ḳhar-o-ḳhas nahin

……………………………………….

Ye aankh kyun hai ye haath kya hai

Ye din hai kya chiiz raat kya hai

Firaq-e-ḳhurshid-o-mah kyun hai

Ye un ka aur mera saath kya hai

Guman hai kya is sanam-kade par

ḳhayal-e-marg-o-hayat kya hai

Fughan hai kis ke liye dilon mea

ḳharosh-e-dariya-e-zat kya hai

Falak hai kyun qaid-e-mustaqil mea

Zamin pe harf-e-najat kya hai

Hai kaun kis ke liye pareshan

Pata to de asal baat kya hai

Hai lams kyun rahegan hamesha

Fana mea ḳhauf-e-sabat kya hai

‘Munir’ is sehar-e-ghum-zada par

Tira ye sehar-e-nashat kya hai

……………………………………………..

Bas ek mah-e-junun-ḳhez ki ziya ke siva

Nagar mea kuchh nahin baaqi raha hava ke siva

Hai ek aur bhi surat kahin meri hi tarah

Ik aur sehar bhi hai qarya-e-sada ke siva

Ik aur samt bhi hai us se ja ke milne ki

Nishan aur bhi hai ek nishan-e-pa ke siva

Zaval-e-asr hai kuufe mea aur gadagar hain

Khula nahin koi dar bab-e-iltija ke siva

Makan-e-zar lab-e-goya had-e-sipahr-o-zamin

Dikha.i deta hai sab kuchh yahan ḳhuda ke siva

Meri hi khwahishen baa.is hain mere ghum ki ‘munir’

Azaab mujh pe nahin harf-e-mudda.a ke siva

………………………………………..

Saa.e ghatte jaate hain

Jangal katte jaate hain

Koi saḳht vazifa hai

Jo hum ratte jaate hain

Suraj ke asar hain dekho

Badal chhatte jaate hain

Aas paas ke saare manzar

Pichhe hatte jaate hain

Dekho ‘munir’ bahar mea gulshan

Rang se atte jaate hain

…………………………………….

Sahn ko chumka gayi belon ko giila kar gayi

Raat barish ki falak ko aur niila kar gayi

Dhuup hai aur zard phulon ke shajar har raah par

Ik ziya-e-zahr sab sadkon ko piila kar gayi

Kuchh to us ke apne dil ka dard bhi shumil hi tha

Kuchh nashe ki lahr bhi us ko surila kar gayi

Baith kar main likh gaya hum dard-e-dil ka majra

ḳhum ki ik buund kaghaz ko rangila kar gayi

…………………………………………

Dil ko hal-e-qarar mea dekha

Ye karishma bahar mea dekha

Jis ko chaha ḳhumar mea chaha

Jis ko dekha ghubar mea dekha

ḳhvahishon ko bahut hava dena

Vasf ye hum ne yaar mea dekha

Ik bashar mea ka.i bashar dekhe

Juz-o-kul ke hisar mea dekha

Jab se dekha hai is zamin ko ‘munir’

Qaid-e-lail-o-nahar mea dekha

………………………………

ḳhalish-e-hijr-e-da.imi na gayi

Tere ruḳh se ye be-ruḳhi na gayi

Poochte hain ki kya hua dil ko

Husn valon ki sadgi na gayi

Sar se sauda gaya mohabbat ka

Dil se par us ki be-kali na gayi

Aur sab ki hikayaten kah diin

Baat apni kabhi kahi na gayi

Hum bhi ghar se ‘munir’ tab nikle

Baat apnon ki jab sahi na gayi

…………………………………………

Thakan se raah mea chalna muhal bhi hai mujhe

Kamal par bhi tha main hi zaval bhi hai mujhe

Sadak pe chalte hue ruk ke dekhta hum main

Yahin kahin hai tu ye ehtimal bhi hai mujhe

Ye mere gird tamasha hai aankh khulne tak

Main khwab mea to hum lekin ḳhayal bhi hai mujhe

Usi ke lutf se marne se ḳhauf aata hai

Usi ke dar se ye jiina muhal bhi hai mujhe

Savad-e-shum-e-safar hai jala jala sa ‘munir’

ḳhushi ke saath ajab sa malal bhi hai mujhe

……………………………………

Shab-e-visal mea doori ka khwab kyun aaya

Kamal-e-fat.h mea ye dar ka baab kyun aaya

Dilon mea ab ke baras itne vahm kyun jaage

Bilad-e-sabr mea ab iztirab kyun aaya

Hai aag gul pe ajab is bahar-e-guzran mea

Chuman mea ab ke gul-e-be-hisab kyun aaya

Agar vahi tha to ruḳh pe vo be-ruḳhi kya thi

Zara se hijr mea ye inqalab kyun aaya

Bas ek hoga tamasha tamam samton par

Meri sada ke safar mea sarab kyun aaya

Main ḳhush nahin hum bahut door us se hone par

Jo main nahin tha to us par shabab kyun aaya

Uda hai shola-e-barq abr ki fasilon par

Ye is bala ke muqabil sahab kyun aaya

Yaqin kis liye us par se uth gaya hai ‘munir’

Tumhare sar pe ye shak ka azaab kyun aaya

……………………………………….

Naam behad the magar un ka nishan koi na tha

Bastiyan hi bastiyan thiin pasban koi na tha

ḳhurram-o-shadab chehre sabit-o-sayyar dil

Ik zamin aisi thi jis ka asman koi na tha

Kya bala ki shaam thi sub.hon shabon ke darmiyan

Aur main un manzilon par tha jahan koi na tha

Kukti thi bansuri charon dishaon mea ‘munir’

Par nagar mea us sada ka raz-dan koi na tha

……………………………………..

Waqt se kahiyo zara kam kam chale

Kaun yaad aaya hai aansu thum chale

Dam-ba-ḳhud kyun hai ḳhizan ki saltanat

Koi jhonka koi mauj-e-ghum chale

Chaar su bajen palon ki pa.elen

Is tarah raqqasa-e-alam chale

Der kya hai aane vaale mausamo

Din guzarte ja rahe hain hum chale

Kis ko fikr-e-gumbad-e-qasr-e-habab

Aabju paihum chale paihum chale

…………………………………….

Shab-e-mahtab ne shah-nashin pe ajiib gul sa khila diya

Mujhe yuun laga kisi haath ne mire dil pe tiir chala diya

Koi aisi baat zarur thi shab-e-vaada vo jo na aa saka

Koi apna vahm tha darmiyan ya ghata ne us ko dara diya

Yahi aan thi meri zindagi lagi aag dil mea to uf na ki

Jo jahan mea koi na kar saka vo kamal kar ke dekha diya

Ye jo laal rang patang ka sar-e-asman hai uda hua

Ye charagh dast-e-hina ka hai jo hava mea us ne jala diya

Mire paas aisa tilism hai jo ka.i zamanon ka ism hai

Use jab bhi socha bula liya use jo bhi chaha bana diya

………………………………………..

Ik alam-e-hijran hi ab hum ko pasand aaya

Ye ḳhana-e-viran hi ab hum ko pasand aaya

Benam-o-nishan rehna ghurbat ke ilaqe mea

Ye sehar bhi dilkash tha tab hum ko pasand aaya

Tha laal hua manzar suraj ke nikalne se

Vo waqt tha vo chehra jab hum ko pasand aaya

Hai qat-e-ta.alluq se dil ḳhush bhi bahut apna

Ik had hi bana lena kab hum ko pasand aaya

Aana vo ‘munir’ us ka be-ḳhauf-o-ḳhatar hum tak

Ye turfa tamasha bhi shab hum ko pasand aaya

…………………………………..

Din agar chadhta udhar se main idhar se jagta

Husn saara mashriqon ka saath mere jagta

Main agar milta na us se is azal ki shaam mea

Khwab in divar-o-dar ka dil mea kaise jagta

Hai misal-e-bad-e-gulshan jagna us shoḳh ka

Rang jaise door ka rangon ke pichhe jagta

Ab vo ghar baaqi nahin par kaash us ta.amir se

Ek sehar-e-arzu ankhon ke aage jagta

Chand chadhta dekhna behad samundar par ‘munir’

Dekhna phir bahr ko us ki kashish se jagta

………………………………………………

Is sehar ke yahin kahin hone ka rang hai

Is ḳhaak mea kahin kahin sone ka rang hai

Pa.in chuman hai ḳhud-rav daraḳhton ka jhumd sa

Mehrab-e-dar pe us ke na hone ka rang hai

Tufan-e-abr-o-bad nihan sahilon pe hai

Dariya ki ḳhumushi mea dubone ka rang hai

Is ahd se vafa ka sila marg-e-rahegan

Us ki faza mea har ghadi khone ka rang hai

Hai sar-zamin-e-shor ki ik chadar-e-safa

Kaisa ajiib murda bichhaune ka rang hai

Surḳhi hai jo gulab si ankhon mea ai ‘munir’

ḳhar-e-bahar dil mea chubhone ka rang hai

………………………………….

Chand nikla hai sar-e-qarya-e-zulmat dekho

Ho gayi kaisi siyah-ḳhanon ki rangat dekho

Samne jo hai use aankh ka dhoka samjho

In dayaron ko sada khwab ki surat dekho

Sair hai jaise koii, aise jahan se guzro

Door tak phaila hai ik arsa-e-furqat dekho

Zar ki parchha.in jo padti hai chumak uthta hai

Adam-e-ḳhak ki be-hoshi mea halat dekho

ḳhauf deta hai yahan abr mea tanha hona

Sehar-e-dar-band mea divaron ki kasrat dekho

Saaya hai un pe bahut bhuli hui yadon ka

Shaam aa.i hai pari-zadon mea vahshat dekho

Daagh hai is ke na hone se dilon mea ab tak

Ud gaya misl-e-saba gul ki haqiqat dekho

Jangalon mea koi pichhe se bula.e to ‘munir’

Mud ke raste mea kabhi us ki taraf mat dekho

…………………………………

Be-haqiqat duriyon ki dastan hoti gayi

Ye zamin misl-e-sarab-e-asman hoti gayi

Kis ḳharabi mea hua paida jamal-e-zindagi

Asl kis naql-e-makan mea rahegan hoti gayi

Tangi-e-imroz mea a.inda ke asar hain

Ek zid badh kar kisi sukh ka nishan hoti gayi

Dusre ruḳh ka pata jis ko tha vo ḳhumosh tha

Vo kahani bas isi ruḳh se bayan hoti gayi

Ik sada utthi to ik aalam hua paida ‘munir’

Ik kali mahki to puura gulsitan hoti gayi

………………………………………….

Ek main aur itne lakhon silsilon ke samne

Ek saut-e-gung jaise gumbadon ke samne

Mitte jaate naqsh dud-e-dam ki aamad raft se

Khulte jaate be-sada lab a.inon ke samne

Hai hava-e-sair-e-ab aur ajnabi si sar-zamin

Ud rahi hai ḳhak-e-kohna sahilon ke samne

Aag jalti hai gharon mea ya koi tasvir hai

Yadgar-e-jurm-e-adam ḳhakiyon ke samne

Dushmani rasm-e-jahan hai dosti harf-e-ghalat

Aadmi tanha khada hai zalimon ke samne

Chaar chup chizen hain bahr-o-bar falak aur kohsar

Dil dahal jaata hai in ḳhali jag.hon ke samne

Batin-e-zardar pur-asrar hai jaise ‘munir’

Kan-e-zar ki band haibat mash.alon ke samne

……………………………….

Ek nagar ke naqsh bhula duun ek nagar ijad karun

Ek taraf ḳhumoshi kar duun ek taraf abad karun

Manzil-e-shab jab tai karni hai apne akele dam se hi

Kis ke liye is jagah pe ruk kar din apna barbad karun

Bahut qadim ka naam hai koi abr-o-hava ke tufan mea

Naam jo main ab bhuul chuka hum kaise us ko yaad karun

Ja ke sunun asar-e-chuman mea saa.en saa.en shaḳhon ki

ḳhali mahl ke burjon se didar-e-barq-o-bad karun

Sher ‘munir’ likhum main uth kar sehn-e-sahar ke rangon mea

Ya phir kaam ye nazm-e-jahan ka shaam dhale ke baad karun

……………………………….

Khwab-o-ḳhayal-e-gul se kidhar jaaye aadmi

Ik gulshan-e-hava hai jidhar jaaye aadmi

Dekhe hue se lagte hain raste makan makin

Jis sehar mea bhatak ke jidhar jaaye aadmi

Dekhe hain vo nagar ki abhi tak hum ḳhauf mea

Vo suraten mili hain ki dar jaaye aadmi

Ye bahr-e-hast-o-bud hai be-gauhar-e-murad

Gahra.iyon mea is ki agar jaaye aadmi

Parde mea rang-o-bu ke safar-dar-safar ‘munir’

In manzilon se kaise guzar jaaye aadmi

……………………………………

Sa.at-e-hijran hai ab kaise jahanon mea rahum

Kin ilaqon mea basun main kin makanon mea rahum

Ek dasht-e-la-makan phaila hai mere har taraf

Dasht se niklun to ja kar kin thikanon mea rahum

Ilm hai jo paas mere kis jagah ifsha karun

Ya abad tak is ḳhabar ke raz-danon mea rahum

Vasl ki shum-e-siyah us se pare abadiyan

Khwab daa.im hai yahi main jin zamanon mea rahum

Ye safar ma.alum ka ma.alum tak hai ai ‘munir’

Main kahan tak in hadon ke qaid-ḳhanon mea rahum

…………………………………..

Dasht-e-baran ki hava se phir hara sa ho gaya

Main faqat ḳhushbu se us ki taza-dam sa ho gaya

Us ke hone se hua paida ḳhayal-e-jan-faza

Jaise ik murda zamin mea baagh paida ho gaya

Phir hava-e-ishq se ashuftagi ḳhuban mea hai

In dinon mea husn bhi azar jaisa ho gaya

Hai kahin mahsur shayad vo haqiqat ahd ki

Jis ka rasta dekhte itna zamana ho gaya

Ghum raha hai haal kahna dil ka us but se ‘munir’

Jis ke ghum mea apne dil ka haal aisa ho gaya

………………………………..

Sehar parbat bahr-o-bar ko chhodta jaata hum main

Ik tamasha ho raha hai dekhta jaata hum main

Hosh udta ja raha hai garmi-e-raftar mea

Dekhta jaata hum main aur bhulta jaata hum main

Abr hai aflak par aur ik sarasima qamar

Ek dasht-e-rahegan mea daudta jaata hum main

Hum makan mea band jaise imtihan mea aadmi

Saḳhti-e-divar-o-dar hai jhelta jaata hum main

Nam hai mere she’r se us chashm-e-sang-alud mea

Khwab hum us chashm-e-tar mea phailta jaata hum main

Shauq hain kuchh jin ke pichhe chal raha hum main ‘munir’

Ranj hain kuchh dil mea mere khinchta jaata hum main

……………………………………

Dil ḳhauf mea hai alam-e-fani ko dekh kar

Aati hai yaad maut ki paani ko dekh kar

Hai bab-e-sehar-e-murda guzar-gah-e-bad-e-shum

Main chup hum is jagah ki girani ko dekh kar

Hil si rahi hai hadd-e-safar fart-e-shauq se

Dhumdla rahe hain harf ma.ani ko dekh kar

Azurda hai makan mea ḳhak-e-zamin bhi

Chizon mea shauq-e-naql-e-makani ko dekh kar

……………………………………..

Makan mea qaid-e-sada ki dahshat

Makan se bahar ḳhala ki dahshat

Hava hai ḳhauf-e-ḳhuda se ḳhali

Hai is nagar mea bala ki dahshat

Ghira hua hum main har taraf se

Hai aaayena mea hava ki dahshat

Zamin pe har samt hadd-e-aḳhir

Falak pe la-intiha ki dahshat

Shajar ke saa.e mea maut dekho

Samar mea us ke fana ki dahshat

…………………………………..

Begangi ka abr-e-giran-e-bar khul gaya

Shab main ne us ko chheda to vo yaar khul gaya

Galiyon mea shaam hote hi nikle hasin log

Har rahguzar pe tabla-e-attar khul gaya

Hum ne chhupaya laakh magar chhup nahin saka

Anjam-e-kar raz-e-dil-e-zar khul gaya

Tha ishrat-e-shabana ki sarmastiyon mea band

Bad-e-sahar se dida-e-gulbar khul gaya

Aaya vo baam par to kuchh aisa laga ‘munir’

Jaise falak pe rang ka bazar khul gaya

………………………………………..

Ik masafat paanv shal karti hui si khwab mea

Ik safar gahra musalsal zardi-e-mahtab mea

Tez hai bu-e-shagufa haa.e marg-e-na-gahan

Ghir gayi ḳhak-e-zamin jaise hisar-e-ab mea

Hasil-e-johd-e-musalsal mustaqil azurdagi

Kaam karta hum hava mea justuju nayab mea

Tang karti hai makan mea ḳhvahish-e-sair-e-basit

Hai asar daa.im falak ka sahn ki mehrab mea

Ai ‘munir’ ab is qadar ḳhumoshiyan ye kya hua

Ye sifat aa.i kahan se para-e-simab mea

………………………………..

Shaam ke maskan mea viran mai-kade ka dar khula

Baab guzri sohbaton ka khwab ke andar khula

Kuchh na tha juz khwab-e-vahshat vo vafa is ahd ki

Raaz itni der ka is umr mea aa kar khula

Ban mea sargoshi hui asar-e-abr-o-bad se

Band-e-ghum se jaise ik ashjar ka lashkar khula

Jagmaga uttha andhere mea meri aahat se vo

Ye ajab us but ka meri aankh par jauhar khula

Sabza-e-nau-rasta ki ḳhushbu thi sahil par ‘munir’

Badalon ka rang chhatri ki tarah sar par khula

………………………………

Nasheb-e-vahm faraz-e-gurez-pa ke liye

Hisar-e-ḳhak hai had par har intiha ke liye

Vufur-e-nashsha se rangat siyah si hai meri

Jala hum main bhi ajab chashm-e-surma-sa ke liye

Hai ird-gird ghana ban hare daraḳhton ka

Khula hai dar kisi divar mea hava ke liye

Zamin hai maskan-e-shar asman sarab-alud

Hai saara ahd saza mea kisi ḳhata ke liye

Asiri-e-pas-e-a.ina-e-baqa aur tu

Nikal ke aa bhi vahan se kabhi ḳhuda ke liye

Khada hum zer-e-falak gumbad-e-sada mea ‘munir’

Ki jaise haath utha ho koi dua ke liye

………………………………….

Rahta hai ik har us sa qadmon ke saath saath

Chalta hai dasht dasht-navardon ke saath saath

Hathon ka rabt harf-e-ḳhafi se ‘ajib hai

Hilte hain haath raaz ki baton ke saath saath

Uthti hui fasil-e-fughan hadd-e-sehar par

Galiyon ki chup qadim makanon ke saath saath

Suraj ki aab zahr hai rangon ki aab ko

Hai door tak buḳhar sa baghon ke saath saath

‘Uryan hua hai maah shab-e-abr-o-bad mea

Jaise safed raushni gharon ke saath saath

Aaya hum main ‘munir’ kisi kaam ke liye

Rahta hai ik ḳhayal sa khwabon ke saath saath

…………………………………

Rangon ki vahshaton ka tamasha thi bam-e-shum

Taari tha har makan pe jalal-e-davam-e-shum

Guldasta-e-jihat tha nairang-e-rah-e-ishq

Tha ik tilism-e-husn-e-ḳhayaban-e-dam-e-shum

Aage ki manzilon ki taraf shaam ka safar

Jaise shabon ke dil mea tha sehar-e-qayam-e-shum

Bandhe hue hain waqt sabhi us ke hukm mea

Hai jis ḳhuda ke haath mea kar-e-nizam-e-shum

Dhumdla gayi hai shaam shab-e-ḳhum se ‘munir’

ḳhali hua kashish ki sharabon se jam-e-shum

…………………………….

Rangon ki vahshaton ka tamasha thi bam-e-shum

Taari tha har makan pe jalal-e-davam-e-shum

Guldasta-e-jihat tha nairang-e-rah-e-ishq

Tha ik tilism-e-husn-e-ḳhayaban-e-dam-e-shum

Aage ki manzilon ki taraf shaam ka safar

Jaise shabon ke dil mea tha sehar-e-qayam-e-shum

Bandhe hue hain waqt sabhi us ke hukm mea

Hai jis ḳhuda ke haath mea kar-e-nizam-e-shum

Dhumdla gayi hai shaam shab-e-ḳhum se ‘munir’

ḳhali hua kashish ki sharabon se jam-e-shum

……………………………………..

Nil-e-falak ke ism mea naqsh-e-asir ke sabab

Hairat hai ab-o-ḳhak mea mah-e-munir ke sabab

Ban mea alahidgi si hai us ke jamal-e-sabz se

Daa.im faza firaq ki shajar-e-pir ke sabab

Vus.at-e-sehar-e-tang-dil sarma ki sub.h-e-sard mea

Jaagi hai dar ke khwab se surat-e-faqir ke sabab

Sahn-e-makan mea shal hai dast-e-dua-e-agahi

Dil mea hai shauq-e-be-hisab had ki lakir ke sabab

Zaḳhm-e-vajud ki dava bas vahi aḳhiri sada

Zinda hum jis ke shauq mea sabr-e-kabir ke sabab

Sehr hai maut mea ‘munir’ jaise hai sehr-e-a.ina

Saari kashish hai chiiz mea apni nazir ke sabab

………………………………………..

Sahar ke khwab ka mujh par asar kuchh der rahne do

Kisi ke haal ki mujh ko ḳhabar kuchh der rahne do

Jude hain in se nadida purane bam-o-darvaze

Na.e seharon mea ye viran ghar kuchh der rahne do

Kahin guzre hue ayyam phir vapas na aa jaayen

Dil-e-be-ḳhauf mea is ka ḳhatar kuchh der rahne do

‘Munir’ is alam-e-raushan mea rehna aur ḳhush rehna

Abhi us din se aage ka safar kuchh der rahne do

……………………………………

Nagar mea shaam ho gayi hai kahish-e-ma.ash mea

Zamin pe phir rahe hain log rizq ki talash mea

Guzar gayi tamam umr is hisar-e-tang mea

Kashish hai ik mariz si makan ki bud-o-bash mea

Hilal harf-e-ḳhauf sa fasil-e-sang-e-nil par

Ya hai adam ka zard rang ḳhvahish-e-ḳharash mea

Chumak rahe hain ta.aziye bala ki tez dhuup mea

Mahak hai ab-e-marg ki fishar-e-arq-pash mea

‘Munir’ husn-e-batini ko koi dekhta nahin

Mata-e-chashm kho gayi libas ki tarash mea

……………………………………..

Hijr-shab mea ik qarar-e-gha.ebana chahiye

Ghaib mea ik surat-e-mah-e-shabana chahiye

Sun rahe hain jis ke charche sehar ki ḳhilqat se hum

Ja ke ik din us hasin ko dekh aana chahiye

Is tarah aghaz shayad ik hayat-e-nau ka ho

Pichhli saari zindagi ko bhuul jaana chahiye

Vo jahan hi dusra hai vo bahut der-ashna

Is jahan mea us se milne ko zamana chahiye

……………………………………..

Misal-e-sang khada hai usi hasin ki tarah

Makan ki shakl bhi dekho dil-e-makin ki tarah

Mula.emat hai andhere mea us ki sanson se

Damak rahi hain vo ankhen hare nagin ki tarah

Navah-e-qarya hai sunsan shum-e-sarma mea

Kisi qadim zamane ki sar-zamin ki tarah

Zamin door se taara dikha.i deti hai

Ruka hai us pe qamar chashm-e-sair-bin ki tarah

Fareb deti hai vus.at nazar ki ufuqon par

Hai koi chiiz vahan sehr-e-nilmin ki tarah

‘Munir’ ahd hai ab aḳhir-e-masafat ka

Ki chal rahi hai hava bad-e-vapsin ki tarah